Petku i bardhë i dëborës ngrin Greqinë, probleme në qarkullim dhe furnizimin me energji

Greqia është paralizuar nga një stuhi e paprecedentë dëbore. Këto automjete nuk janë të parkuara, por janë të braktisura në autostradë nga shoferët pasi u bllokuan nga ngricat dhe dëbora.

“Tentuam të lëviznim nga pak përpara, por nuk mundëm. Ngecëm këtu që prej mbrëmjes së kaluar. Kaluamgjithë natën këtu. Ishte shumë ftohtë”, thotë një shofer.

“Kemi ngecur këtu prej 24 orësh. Situata është e pashpresë. Shtetit duhet t’i vijë turp.”, shprehet një tjetër.

Qeveria greke pranon fajin dhe u kërkon falje qytetarëve që nuk u angazhua t’i paraprinte stuhisë së paralajmëruar nga meteorologët.

“Problemet po zgjidhen nga çasti në çast, me ndihmën e të gjitha forcave tona. Situata po përmirësohet dhe shpresojmë që sa më shpejt të mos kemi asnjë të bllokuar nga dëbora”, u shpreh ministri i Mbrojtjes Civile, Christos Stylianides.

Disa udhëtarë u plagosën nga një tren që tentoi të lëvizte. Përveç problemeve në qarkullim, qytetarët grekë përjetuan dhe mungesa të energjisë elektrike. Sasi e dëborës ka shkuar mbi 1 metër, në disa zona të kryeqytetit Athinë edhe në 1 metër e gjysmë.

I ftohi dhe ngricat nuk i ndaluan këta të rinj që mes të një stuhie të bënin dhe pak plazh. Qeveria greke ka mbyllur gjithçka, përveç shërbimeve thelbësore si supermarketet, furrat e bukës, farmacitë dhe pikat e karburantit, duke shpallur dy ditë izolim për shkak të motit të keq dhe reshjeve të dëborës. Meteorologët parashikojnë që vala e të ftohtit të zgjasë deri në fundjavë.