Pas hyrjes së tre helikopterëve serbë në territorin e Kosovës, ka reaguar Aleanca Veri-Atlantike, NATO.
NATO ka bërë thirrje që situata në veri të Kosovës të shtensionohet menjëherë dhe duke treguar edhe mandatin që ka në Kosovë.
“Mandati i KFOR-it mbetet për të siguruar një ambient të qetë dhe të sigurtë dhe liri të lëvizjes për të gjitha komunitetet”, ka shkruar zëdhënësja e NATO-së, Oana Lungescu.
Lungescu në një reagim në Twitter ka bërë thirrje që Beogradi dhe Prishtina të tregojnë përmbajtje dhe të shmangin çfarëdo vendimi të një anshëm.
NATO u bënë thirrje të dyja shteteve që të kthehen në dialog.
“NATO thërret për de-eskalim të menjëhershëm në veri të Kosovës. Ne ftojmë Beogradin të tregojnë përmbajtje, të shmangin veprimet e njëanshme dhe t’i kthehen dialogut. Mandati i KFOR-it mbetet të ofrojë siguri, ambient të sigurtë dhe liri të lëvizjes për të gjitha komunitetet”, ka shkruar Lungescu.
Reagimi i NATO-s vjen menjëherë pas hyrjes së 3 helikopterëve serbë në territorin e Kosovës, duk provokuar situatën në Jarinje.
Marrëveshja e Kumanovës e 9 qershorit të vitit 1999 mes NATO-s dhe ish Jugosllavisë së atëhershme (Serbisë) në Nenin e parë ku flitet për detyrimet e palëve nënshkruese në pikën tre (3) ku për qëllimet e marrëveshjes në paragrafin (d) thuhet se perimetri i sigurisë ajrore është prej 25 km në brendi të Serbisë.
“d. Zona e Sigurisë Ajrore (ASZ) përcaktohet si një zonë prej 25 kilometrash që shtrihet përtej kufirit të krahinës së Kosovës në pjesën tjetër të territorit të RFJ-së. Ai përfshin hapësirën ajrore mbi atë zonë 25 kilometra”.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…