Policia e Kosovës në bashkëpunim me Agjencinë e Kosovës për Inteligjencë, kanë identifikuar dy lokacione në të cilat kanë qenë të vendosura kamerat vëzhguese të kamufluara në veri.
Ato janë përdorur për monitorim të lëvizjeve të qytetarëve, institucioneve të Qeverisë së Republikës së Kosovës dhe prezencës ndërkombëtare në veri të vendit.
“Këto kamera dyshohet se janë përdorur në vazhdimësi nga institucionet e sigurisë së Serbisë. Lidhur me këtë rast janë të identifikuar dy persona të cilët janë me interes që të intervistohen nga ana e jonë”, tha për Gazetën Sinjali, Veton Elshani, zëvendës drejtor i Policisë për rajonin e veriut.
