Presidenti i Shteteve të Bashkuara, Donald Trump, tha se po tregohej “pak sarkastik” kur ai vazhdimisht pohoi gjatë fushatës se lufta midis Rusisë dhe Ukrainës mund të përfundonte brenda 24 orëve.
Trump iu përgjigj kësaj pyetjeje në një intervistë për emisionin “Masa e plotë”, teksa administrata e tij vazhdon të përpiqet të ndërmjetësojë një zgjidhje, 54 ditë në mandatin e tij të dytë, raporton portali “Local10”.
“Isha pak sarkastik kur e thashë këtë. Ajo që në të vërtetë doja të thosha ishte se dua ta zgjidh dhe mendoj se do të kem sukses”, tha Trump.
Në maj 2023, Trump i tha CNN: “Ata po vdesin, rusë dhe ukrainas. Unë dua që ata të ndalojnë së vdekuri. Dhe unë do ta përfundoj atë – do ta përfundoj për 24 orë”.
I dërguari i tij i posaçëm, Steve Witkoff, ishte në Moskë këtë javë për bisedime mbi propozimin e SHBA për një armëpushim, të cilin Ukraina e pranoi.
