Presidenti i Emirateve të Bashkuara Arabe, Zayed Al Nahyan pas mbërritjes në aeroportin e Rinasit më herët gjatë ditës së sotme, u prit në Pallatin e Brigadave në një ceremoni zyrtare nga kryeministri Rama dhe disa prej ministrave të qeverisë.
Më pas, siç bëhet e ditur, Rama dhe Zayed Al Nahyan zhvilluan një takim kokë më kokë.
Gjatë pritjes në Pallatin e Brigadave u nënshkruan edhe disa marrëveshje:
-Marrëveshja Kuadër për Veprim mes Masdar, TAQA, KESH dhe OST, që u shkëmbyen mes Zëvendëskryeministres dhe Ministres së Infrastrukturës dhe Energjisë Belinda Balluku, si dhe kryetarit të MASDAR Sulltan Al Jaber.
– Letër Angazhimi për Projektin Albania Smart City ndërmjet “Presight AI Ltd” dhe Ministrisë së Brendshme e Republikës së Shqipërisë, të shkëmbyera mes Ministrit të Brendshëm Ervin Hoxha dhe Kryetarit të “Presight AI Ltd” Sulltan Al Jaber.
