Presidenti iranian, Masoud Pezeshkian, ka bërë të ditur se nuk do të negociojë me administratën e presidentit Donald Trump në SHBA, duke thënë “bëni çfarë dreqin të doni”, transmeton Anadolu.
“Nëse po më kërcënoni mua, unë nuk do të negocioj. Bëni çfarë dreqin të doni”, tha presidenti iranian gjatë një ngjarje në Teheran mbi kërcënimet e Trumpit kundër Iranit.
Duke kritikuar trajtimin e Trumpit në Shtëpinë e Bardhë ndaj presidentit ukrainas, Volodymyr Zelenskyy, Pezeshkian tha se “njeriu ndihet me të vërtetë i turpëruar për atë që Trump i bëri Zelenskyyt”.
Të shtunën, Irani hodhi poshtë pretendimet e Trumpit se ai i ka dërguar një letër Teheranit duke propozuar bisedime bërthamore me Teheranin.
Të premten, Trump tha se ai shpreson që Irani të hyjë në negociata.
“Unë thashë se shpresoj që ju do të negocioni, sepse do të jetë shumë më mirë për Iranin”, tha Trump para se të paralajmërojë Teheranin për veprime të mundshme ushtarake.
Në vitin 2018, Trump në mënyrë të njëanshme u tërhoq nga marrëveshja bërthamore e vitit 2015 me Iranin dhe rivendosi sanksionet ndaj Teheranit.
Pavarësisht respektimit të marrëveshjes bërthamore për më shumë se një vit pas tërheqjes së SHBA-së, Irani gradualisht reduktoi angazhimin ndaj marrëveshjes, duke përmendur dështimin e nënshkruesve të mbetur të marrëveshjes për të mbrojtur interesat e tij.
Presidentja e Kosova, Vjosa Osmani, ka bërë të ditur se ka nxjerrë dekretin për shpërndarjen…
Nuk ka pasur kuorum për raundin e parë të votimit të Presidentit. 66 deputetë ishin…
Nuk ka pasur kuorum për propozimet e amendamenteve kushtetuese të propozuara nga presidentja Vjosa Osmani…
Televizioni shtetëror iranian raportoi mbrëmjen e së enjtes se dronët e Gardës Revolucionare ushtria ideologjike…
Deputetët e Kuvendit të Kosovës janë ftuar në seancën lidhur me amendamentet për zgjedhjen e…
Presidenti i Shteteve të Bashkuara, Donald Trump, ka thënë se dëshiron të përfshihet në zgjedhjen…