Presidentja: “Vuçiq nuk dallon asgjë nga Putini, as në karakter e as në qëllime”

“Mendoj se Serbia ka qenë tejet e qartë se qëndron me Rusinë, dhe propagandën ruse në këtë krizë. Sepse ata agresionin dhe as sulmin rus në Ukrainë nuk e kanë dënuar. As sanksioneve nuk i janë bashkuar”, deklaroi Presidentja e Kosovës, Vjosa Osmani, në një intervistë dhënë për transmetuesin publik turk, TRT.

“Dhe, besoj që kushdo që dëshiron të mashtrojë veten se Serbia do të zgjedhë rrugën pro-evropiane vetëm se po ia bën qejfin Vuçiçit, i cili, qoftë përnga qëllimet, ose qoftë për nga karakteri është i njëjtë me Putinin”.

Rusia në njërën anë dhe Serbia në anën tjetër, po i bashkojnë forcat për të destabilizuar pjesën tonë të botës dhe Ballkanin Perëndimor gjithashtu, tha ajo.