Ditët e fundit, prokurori Ols Dado, ka qenë në qendër të vëmendjes pas prangosjes së kryebashkiakut Erion Veliaj, i dyshuar për korrupsion pasiv (kryer nëntë herë) dhe pastrim parash.
Që prej dërgimit të kryebashkiakut të Tiranës në qeli, prokurori Dado ka qenë nën agresionin dhe sulmin e Veliajt, enturazhit të tij dhe mediave pranë kryebashkiakut.
Veliaj e ka etiketuar Dadon si “pervers, lunatik, violinist i dështuar”.
Mirëpo, shumë qytetarë janë solidarizuar me prokurorin në rrjetet sociale.
Së fundmi, një poezi e faqes “Lol Albania” është kthyer nga rrjeti në këngë, dedikuar prokurorit që prangosi numrin 2 të mazhorancës.
Sonatë e Pafajësisë
Për violinën tënde dëgjuam,
Si dritë e hënës kur natën del
Gishtat e tu tingujt i zgjuan,
Dhe një pasion të vjetër, rebel.
Por tani që në zyrën tënde rri,
Tingujt e dosjeve kumbojnë,
Dhe heshtja fsheh një melodi,
Që vetëm në burg e dëgjojnë.
Kur gishtat e tu preknin telat
Kur lali Eri shiste fiq në treg,
Kur Arditi drejtonte të dielat,
Çiljeta në PD kërkonte shteg.
Kur ligjet heshtin në darkë,
Kur Durrësi bie në qetësi,
Kur mbi tel kalon një hark,
E dëgjon veç lali Eri në qeli.
