Çështja e flamurit të Kosovës, është kthyer në kryetemë sidomos pas ardhjes së Albin Kurtit në krye të Qeverisë, i cili dikur e kishte quajtur këtë flamur lara-lara.
Liderët e Kosovës nga zyret e tyre ku presin e përcjellin mysafirë të shumtë, zakonisht publikojnë edhe fotografi. Prapa tyre, siç e kërkon edhe ligji gjithmonë qëndron flamuri i Kosovës, i cili ka gjashtë yje të bardha në një hark sipër një harte të artë të Kosovës në një sfond blu.
Mirëpo, nëse shikohet me vëmendje vërehet një dallim i madh mes flamurit që gjendet në institucionet e liderëve të vendit, me atë që vendoset kur ata janë në ndonjë vizitë jashtë vendit, shkruan Reporteri.net.
Kjo është vërejtur së fundmi edhe në vizitën që Presidenti i Kosovës, Hashim Thaçi kishte në Departamentin Amerikan të Shtetit, ku u prit nga Sekretari Amerikan, Michael Pompeo.
Nëse shikohen me vëmendjet pamjet që u publikuan nga takimi, vërehet se flamuri i Kosovës i vendosur në Departamentin e Shtetit për nder të vizitës së Thaçit, dallon shumë prej atij zyrtar. Ngjyra blu edhe ajo e verdhë, siç shihen edhe në pamje paraqiten më të theksuara.
Ky kombinim ngjyrash që dallojnë nga versioni zyrtar, është parë edhe në flamurin që tashmë kryeministri i Kosovës, Albin Kurti e mban në zyrën e tij.
Ndryshe, flamuri i Kosovës u adoptua nga Parlamenti menjëherë pas shpalljes së Pavarësisë, më 17 shkurt 2008. Flamuri qe rezultat i një gare ndërkombëtare, organizuar nga UNMIK i mbështetur nga Kombet e Bashkuara, ku u dorëzuan gati një mijë punime. Versioni zyrtar i flamurit, ka gjashtë yje të bardha në një hark sipër një harte të artë të Kosovës në një sfond blu.
Mal Berisha, ish-ambasador e diplomat, ka treguar një rrëfim interesant nga takimet e tij në…
Fushata zgjedhore në qytetin e Cyrihut po tregon anën e saj të shëmtuar pak para…
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…