Një 40-vjeçar shqiptar humbi tragjikisht jetën të martën në Como të Italisë, pasi e zuri poshtë dheu. Sipas mediave fqinje, ai u varros për së gjalli teksa punonte për gërmimin e tokës në një kantier ndërtimi.
Pavarësisht ndërhyrjes së zjarrfikësve, 40-vjeçari, identiteti i të cilit nuk bëhet i ditur, gjeti vdekjen në vendin e ngjarjes.
Që prej fillimit të vitit, janë 7 të vdekurit në vendin e punës në territorin e Como-s, 4 prej të cilëve gjatë 2 javëve të fundit.
Një rekord dramatik, shkruajnë mediat italiane, që e konsiderojnë një shifër të pa pranueshme, që rrezikon të kthehet në pasqyrën e një vendi ku mungesa e sigurisë në punë është emergjencë e përditshme.
