“Rusia do të ndalojë operacionin e saj ushtarak vetëm nëse Ukraina pushon së luftuari dhe kërkesat e Moskës plotësohen”.
Kështu u bë me dije nga Kremlini në një deklaratë, duke raportuar mbi një bisedë midis presidentit rus Vladimir Putin dhe homologut të tij turk Recep Tayyip Erdogan.
Rusia këmbëngul se pushtimi i saj i Ukrainës nga toka, ajri dhe deti është një operacion ushtarak special, për të cilin Putin pretendon se, pa asnjë provë, është i nevojshëm për të “denazifikuar” vendin.
Putin tha se operacioni po shkonte sipas planit dhe se ai shpresonte se negociatorët ukrainas do të kishin një qasje më konstruktive në bisedime.
Sipas tij këta të fundit duhet të marrin parasysh realitetin në terren.
Ndërsa nga zyra e Erdogan-it u tha se udhëheqësi turk kishte apeluar për një armëpushim të përgjithshëm urgjent.
Sot është dita e 11 e luftimeve mes Rusisë dhe Ukrainës. Mbi 1.5 milionë ukrainas janë larguar nga vendi dhe mijëra ushtarë rusë kanë humbur jetën. Ndërkohë Ukraina vijon të rezistojë pavarësisht sulmeve ruse.
Kombet e Bashkuara raportojnë se janë vrarë 351 civilë dhe 7 mijë e 70 të lënduar në Ukrainë.
