Kreu i Agjencisë Qendrore të Inteligjencës në Ukrainë (GUR), gjenerali Kirill Budanov, beson se Rusia do të përpiqet të imponojë një skenar “korean” në Ukrainë.
Pra, të mbledhë të gjitha territoret e pushtuara në një entitet të vetëm pothuaj-shtetëror.
Lajmin e bën të ditur agjencia e lajmeve “Reuters”.
“Pas dështimeve pranë Kiev-it dhe paaftësisë për të përmbysur qeverinë qendrore të Ukrainës, Putin tashmë po ndryshon drejtimet kryesore operacionale – jug dhe lindje. Ka arsye për të besuar se ai po shqyrton një ‘skenar’ korean për Ukrainën”, deklaroi Budanov.
Sipas tij, Putin do të përpiqet të vendosë një vijë ndarëse midis rajoneve të papushtuara dhe të pushtuara të Ukrainës.
“Në fakt, është një përpjekje për të krijuar Korenë e Veriut dhe të Jugut në Ukrainë. Në fund të fundit, ai definitivisht nuk është në gjendje të gëlltisë të gjithë shtetin”, shton shefi i inteligjencës ukrainase.
Ndër të tjera ai sqaron se autoritetet vendase po shohin përpjekje për të krijuar institucione “paralele” në territoret e pushtuara dhe për të detyruar njerëzit të heqin dorë nga hryvnia (valuta vendase).
Budanov është i bindur se për “regjimin fashist rus” çështja e krijimit të një korridori tokësor për në Krime është ende aktuale.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…