QUINT i shkon në zyrë Gjuriqit, ky thotë se Serbia është e gatshme t’i japë rrymë Kosovës dhe të marrë pjesë në sanimin e dëmit në kanal

Përfaqësuesit diplomatikë të QUINT-it dhe të BE-së kanë shkuar në zyre të ministrit të Jashtëm serb, Marko Gjuriq, pas sulmit që ndodhi mbrëmë në kanalin e Ibër-Lepencit.

Gjuriq para tyre pretendoi se “ishte qartazi sabotim dhe se Serbia pa mëdyshje e dënon një akt të tillë” dhe se ky akt ishte i drejtuar kundër stabilitetit të rajonit.

QUINT i shkon në zyrë Gjuriqit, ky thotë se Serbia është e gatshme t’i japë rrymë Kosovës dhe të marrë pjesë në sanimin e dëmit në kanal

Përfaqësuesit diplomatikë të QUINT-it dhe të BE-së kanë shkuar në zyre të ministrit të Jashtëm serb, Marko Gjuriq, pas sulmit që ndodhi mbrëmë në kanalin e Ibër-Lepencit.

Gjuriq para tyre pretendoi se “ishte qartazi sabotim dhe se Serbia pa mëdyshje e dënon një akt të tillë” dhe se ky akt ishte i drejtuar kundër stabilitetit të rajonit.

Për më tepër, Gjuriq tha se Serbia është e interesuar që të gjejë dhe të arrestojë autorët dhe se për këtë është e gatshme të bashkëpunojë me ndërkombëtarët.

“Serbia kërkon përcaktimin e motivit të sulmit në këtë objekt jetik infrastrukturor dhe është e gatshme të bashkëpunojë me praninë ndërkombëtare në Kosovë për të ndriçuar të gjitha rrethanat dhe përfundimisht për të gjetur dhe arrestuar përgjegjësit”.

Gjithashtu, Gjuriq para diplomatëve të huaj pretendoi se “Serbia është e gatshme t’i ndihmojë autoritetet lokale dhe Prishtinën në furnizimin me energji elektrike deri në riparimin e dëmtimit të kanalit Ibër-Lepenc dhe është e gatshme të ndihmojë në çdo mënyrë në riparimin e dëmeve”.

Ndërkaq, akuzat e bëra nga Kosova se Serbia qëndron pas sulmit, Gjuriq u mundua t’i paraqesë si të pabaza dhe tha se po synojnë “diskreditimin e Beogradit në një moment të ndjeshëm”.

Po ashtu, Gjuriq vazhdoi propagandën se policia përdor dhunë ndaj qytetarëve serbë në veri.

“Është e rëndësishme që ndërkohë, përpara se hetimi të japë disa përgjigje konkrete, të gjithë të përmbahen nga akuzat e pabaza dhe të drejtojnë gishtin në mënyrë arbitrare ndaj kujtdo dhe që policia në terren në kryerjen e veprimeve hetimore të mos e përdorë këtë situatë si arsyetim për çdo dhunë dhe shkelje të të drejtave të njeriut të qytetarëve”.

Siç raporton Danas, në takim morën pjesë përfaqësues të Francës, Italisë, Britanisë së Madhe, Gjermanisë, SHBA-së dhe delegacionit të Bashkimit Europian në Serbi.