Drejtori i zyrës për Kosovën në Qeverinë e Serbisë, Marko Djuric ka reaguar për takimin e politikanit serb, Sulejman Ugljanin si përfaqësues i pakicës boshnjake me kandidatin për kryeministër të Kosovës, Albin Kurti.
Në deklaratën e tij për mediet serbe, Djuric tha se gjatë këtij takimi, Ugljanin nuk foli sot në emër të boshnjakëve në rajonin e Rashkës pasi që këta qytetarë janë besnikë ndaj atdheut të tyre, Serbisë.
“Jam i sigurt se bashkëqytetarët tanë boshnjakë kanë turp për nënshtrimin e Ugljanin ndaj Kurtit dhe se ata nuk duan që ai të tërhiqet në ndonjë kombinator brenda projektit të krijimit të të ashtuquajturës Shqipëria e Madhe. Boshnjakët në rajonin e Rashkës janë qytetarë besnikë të Serbisë, kështu që Suleiman Ugljanin nuk foli sot me Albin Kurti në emër të tyre”, ka thënë Djuric.
Drejtori serb i zyrës për Kosovën vlerësoi se ky takim midis Kurtit dhe kryetarit të Partisë së Aksionit Demokratik të Sanxhakut është një zhgënjim nga ana e Ugljanin i cili, sipas tij mori gjithçka nga Serbia duke përfshirë funksionin e tij ministror, në mënyrë që ai të jetë i fundit që do të flas për privimin e boshnjakëve të Serbisë, për çka foli sot.
“Një takim i tillë i Ugljanin me e Kurtin është një veprim i bllokimit më të thellë njerëzor dhe moral të një njeriu që mori gjithçka nga Serbia, përfshirë funksionin e tij ministror, në mënyrë që ai të jetë i fundit që flet për privimin e pretenduar të boshnjakëve në vendin tonë. Është e vërtetë që Ugljanin ishte diskriminuar nga Serbia, por pozitivisht, sepse ai meritonte padrejtësisht departamentin e ministrisë dhe punët që kishin të bënin me zhvillimin rajonal, dhe në atë post ai nuk tregoi asgjë tjetër përveç paaftësisë”, përfundoi Djuric.
Kryetari i Lëvizjes Vetëvendosje, Albin Kurti, është takuar me kryetarin e Partisë së Aksionit Demokratik të Sanxhakut, Sylejman Ugljanin i cili kërkuar nga Kurti një status special për Sanxhakun.
