Ambasadori i Gjermanisë në Kosovë, Jorn Rohde, i është gëzuar renditjes për pesë vende më lartë të Kosovës në organizatën “Reporterët pa Kufij”.
Rohde thotë se Kosova ka arritur përparim të mëtejshëm në lirinë e medias për dy vjet radhazi, duke u renditur në vendin e 56-të në botë këtë vit.
“Lajm i mirë në Ditën Botërore të Lirisë së Shtypit: Sipas Indeksit të ri të Ditën Ndërkombëtare të Shtypit nga Reporterët pa Kufij, Kosova ka arritur përparim të mëtejshëm në lirinë e medias për dy vjet radhazi, duke u renditur në vendin e 56-të në botë këtë vit”.
Tutje, Rohde vlerëson se Kosova me ngritje për pesë vende nga viti i kaluar është sërish ndër vendet me vendet me performancën më të mirë në rajon.
“Pas kërcimit me 17 vende në vitin 2022, krahasuar me vitin 2021, dhe 5 vende të tjera këtë vit, Kosova është sërish ndër vendet me performancën më të mirë në rajon. Vazhdo Me punën e mirë”, ka shkruar Rohde në Twitter.
