Revoltohen qytetarët, parregullsi dhe rritje enorme e çmimeve të terminëve për viza gjermane

Ambasada Gjermane në Kosovë së fundmi doli me një njoftim se terminet e vizave Schengen për udhëtime turistike në Gjermani, tani mund të rezervohen përmes ofruesit të jashtëm të shërbimit VisaMetric.

DTV ka vizituar zyrat e VisaMetric, ku përveçse nuk u lejua kamera dhe gazetarja e televizionit që të bisedojnë me qytetarët, televizionit iu ndalua edhe që të marr pamje nga larg.

“Nuk pata ndonjë lehtësi, vetëm vështirësi. P.sh e kam paguar sistemin VIP që e kam paguar 80 euro më shumë dhe kam pritur 4 orë më shumë. 30 euro posta, kurgjo tjetër.

Për shkak të radhëve të gjata që janë krijuar para VisaMetric, janë ankuar edhe banorët e zonës përreth, të cilëve u është vështirësuar lëvizja.

“Tmer. Tmerr, tmerr, tmerr. Staf që nuk di me punu, plaçkitje në pikë të ditës. 90 euro me na i pru dokumentet në shtëpi. Lehtësira nuk ka. Shiheni gjendjen brenda, është plaçkitje”, ka thënë ajo.

“Ofruesi i shërbimit VisaMetric ju ndihmon të bëni aplikimin tuaj për vizë Schengen. Ai dërgon dokumentet tuaja në Ambasadën Gjermane në Prishtinë, ku aplikimi do të vazhdojë të ekzaminohet dhe vendoset. Pastaj merr pasaportën nga ofruesi i shërbimit. Ofruesi i shërbimit do të lejojë një takim dukshëm më të shpejtë, i cili do të shkurtojë ndjeshëm kohën e pritjes për aplikim”, njoftoi ambasada.