“Rusët janë infiltruar në media, kontrollojnë shërbimet tona, jeta ime është në rrezik”

Presidenti i Serbisë Aleksandër Vuçiq është shfajësuar mbrëmë, duke thënë se qasja proruse në mediat serbe nuk ka ndodhur për shkak të tij, pavarësisht se llogaritet që ai kontrollon shumicën e mediave.

“Kur i shihni titujt në mediat tona do ta shihni se në 80 përqind të mediave nuk ka asnjë objektivitet, por janë në anën ruse çfarëdo që ndodhë, sikur që 20 përqind janë në anën e Perëndimit. Në këso kushte të tensioneve politike të gjithë ne i bëjmë dëm vetit, në vend se të jemi vetëm me vetveten, të jemi të qetë, që në një krizë të madhe botërore të tërhiqemi vetëm me gërvishtje. Në këtë nuk mund ta bëjmë, te ne gjithmonë ka pasione, tifozëri dhe nga kjo vështirë se do të shërohemi” ka thënë ai.

Të hënën mbrëma është komentuar shumë qasja e mediave në Serbi. Në titujt e sotëm të tabloideve serbe shkruan e kundërta e saj që ka ndodhur në të vërtetë. “Ukraina ka sulmuar Rusinë” shkruan tabloidi “Informer”

E Në lidhje me këtë ka shkruar Ish-kryediplomati kosovar Petrit Selimi në një twitt ka thënë se Vuciq u ka thënë privatisht zyrtarëve perëndimorë të SHBA dhe BE së ai nuk mund t’I kontrollojë mediat në vendin e tij.