Rusia nisi një seri sulmesh me raketa dhe artileri në Ukrainë, në sulmin e dytë të agimit në tre ditë, raportoi BBC.
Një person u vra në rajonin Khersonit dhe 25 persona u plagosën në Dnipro, mes tyre tre fëmijë, transmeton Telegrafi.
Forcat e armatosura të Ukrainës njoftuan se mbrojtja ajrore ka rrëzuar 15 nga 18 raketat e lëshuara. Ndër objektivat kryesore ishte qyteti i Pavlohrad pranë Dnipro.
Një zyrtar i emëruar nga Rusia tha se burimet për ofensivën ukrainase ishin prekur.
Raketat synonin infrastrukturën hekurudhore dhe depot e karburantit.
Janë dëmtuar 19 ndërtesa shumëkatëshe, 25 shtëpi private, gjashtë shkolla dhe kopshte dhe pesë dyqane.
Ushtria ukrainase ka kohë që flet për një kundërsulm të madh, por nuk ka specifikuar se ku dhe kur mund të nisë.
Pavlohrad është në territor nën kontrollin e Ukrainës, rreth 110 kilometra nga fronti.
Kreu i administratës ushtarake të qytetit të Kievit, Serhiy Popko, tha se raketat u rrëzuan gjithashtu në hapësirën ajrore të Kievit.
Russians managed to hit a chemical plant near Pavlohrad, where 38 old soviet RT-23 ICBM with tonnes of rocket fuel were stored for decommission. The explosions damaged a nearby residential areas. pic.twitter.com/XKkl3iaz8O
— MilitaryLand.net (@Militarylandnet) May 1, 2023
