Rusia ka vendosur të sulmojë Moldavinë. Kremlin-i zyrtar ka zhvilluar tashmë plane të qarta për një pushtim.
Lajmi u bë i ditur nga e përditshmja britanike ‘The Times’, duke iu referuar burimeve në inteligjencën ukrainase.
Sipas botimit, Federata Ruse dyshohet se ka vendosur tashmë të sulmojë Moldavinë.
“Ne besojmë se Kremlin-i tashmë ka vendosur të sulmojë Moldavinë. Fati i Moldavisë është shumë i rëndësishëm. Nëse rusët fillojnë të marrin kontrollin, ne do të bëhemi një objektiv i lehtë ushtarakisht dhe kërcënimi ndaj Ukrainës do të bëhet ekzistencial”, shkruan gazeta.
Nëse Rusia njeh pavarësinë e Transnistrisë, atëherë ky do të jetë një kërcënim i drejtpërdrejtë dhe shkelje e integritetit territorial të Moldavisë.
“Kjo do të jetë një përsëritje e ‘skenarit Donbas’. Më pas ata do të furnizojnë një numër të madh armësh dhe më pas do të duan t’i shtojnë ato në Rusi”, thonë burimet.
Tashmë ka “një numër treguesish” që tregojnë për planet e Kremlin-it për një sulm, zbulojnë më tej informatorët.
Publikimi gjithashtu raporton se nëse Federata Ruse kap Moldavinë, atëherë forcat ruse mund të shkojnë drejt Odessa-s dhe të përpiqen të pushtojnë Ukrainën nga ana perëndimore.
