Kreu i Partisë Demokratike, Sali Berisha, në fund të fjalimit të tij në protestës e sotme të opozitës, iu kthye incidentit, ku ai u godit nga një person me grusht, në kohën që po shkonte drejt podiumit.
“Le t’i themi policisë: liroje fatkeqin! Liroje sepse ai është një mjeran që ka shitur veten. Autorët e vërtetë përpiqen ta lidhin me pista që çojnë nga Turqia apo ndonjë vend tjetër. Ka vetëm një autor dhe ky është Edi Rama. Autori i vërtetë është i ulur në samit si kryekriminel i Ballkanit dhe Evropës”, tha Berisha.
