Ambasadori i Shteteve të Bashkuara të Amerikës në Kosovë Jeff Hovenier ka reaguar pasi vendi i tij ka sanksionuar ish- zyrtarin e Prokurimit të Ministrisë së Tregëtisë Nexhat Krasniqin.
Hovenier ka thënë se ky njoftim nga Amerika tregon se sa me seriozitet e trajtojnë çështjen e korrupsionit.
“Ky njoftim rikonfirmon seriozitetin me të cilin Shtetet e Bashkuara i trajtojnë çështjet e korrupsionit. Ne do të vazhdojmë të përdorim të gjitha mjetet në dispozicion për të promovuar llogaridhënien dhe për të penguar sjelljen e ardhshme kriminale duke mbështetur institucionet e Kosovës për sundimin e ligjit’ ka shkruar Hovenier.
