Një ditë pasi Elon Musk përshkallëzoi grindjen e tij me Donald Trump dhe njoftoi formimin e një partie të re politike në SHBA, sekretari i Thesarit i presidentit tha se Musk duhet të vazhdojë të drejtojë kompanitë e tij.
Musk tha të shtunën se po krijonte “Partinë Amerikane” në përgjigje të projektligjit të Trump për uljen e taksave dhe shpenzimet, të cilin Musk pretendonte se do ta falimentonte vendin.
Duke folur në CNN të dielën, shefi i Thesarit, Scott Bessent, tha se bordet e drejtorëve në kompanitë e Musk – Tesla dhe firma e raketave SpaceX – ka të ngjarë të preferojnë që ai të qëndrojë larg politikës.
“Mendoj se këtyre bordeve të drejtorëve nuk u pëlqeu ky njoftim dje dhe do ta inkurajojnë atë të përqendrohet në aktivitetet e tij të biznesit, jo në aktivitetet e tij politike”, tha Bessent.
Musk, i cili shërbeu si këshilltar i lartë në Shtëpinë e Bardhë për shkurtimin e madhësisë së qeverisë gjatë muajve të parë të presidencës së Trump, tha se partia e tij e re do të përpiqet në zgjedhjet e mesit të mandatit të vitit të ardhshëm të rrëzojë republikanët në Kongres që mbështetën “projektligjin e madh dhe të bukur”.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…