Senatorja australiane e ekstremit të djathtë, Pauline Hanson, është paraqitur në parlament e veshur me hixhab, në një përpjekje për të shtyrë përpara iniciativën e saj për ndalimin e veshjeve myslimane në hapësira publike.
Ajo e veshi hixhabin menjëherë pasi kërkesa e saj për të paraqitur një projektligj që synonte ndalimin e hixhabeve dhe mbulesave të tjera që fshehin plotësisht fytyrën në vendet publike u refuzua.
Hyrja e Hanson në sallën e Senatit shkaktoi reagime të forta, duke ndërprerë përkohësisht seancën, pasi ajo nuk pranoi ta hiqte mbulesën. Ligjvënës myslimanë e kritikuan ashpër, duke e cilësuar veprimin e saj si “fyerje fetare”.
“Kjo është një senatore që shfaq racizëm të pastër”, deklaroi Mehreen Faruqi.
Ndërkohë, Fatima Payman, senatore e pavarur nga Australisë Perëndimore, e përshkroi gjestin si “të turpshëm”. Hanson është bërë e njohur që në vitet 1990 për kundërshtimin e saj të fortë ndaj imigracionit aziatik dhe azilkërkuesve, ndërsa gjatë gjithë karrierës parlamentare ka bërë fushatë kundër veshjeve islame.
Më vonë, në një deklaratë të publikuar, ajo tha: Nëse parlamenti nuk e ndalon, atëherë unë do të mbaj këtë mbulesë koke shtypëse, radikale dhe jofetare, e cila sipas saj cenon sigurinë kombëtare dhe ul dinjitetin e grave, në mënyrë që çdo australian të kuptojë çfarë është në rrezik.
Kryetari i Mitrovicës së Veriut, Milan Radojeviç, të premten është shoqëruar në Policinë e Kosovës,…
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…