Kryetari i radikalëve serb Vojislav Seselj i njohur për ultra nacionalizmin ende vazhdon me të tijën duke mohuar krime – edhe ato që i nxiti vet – e luftën e shkaktuar nga Serbia në shekullin e kaluar. Ai gjeti sot të shaj e bërtasë në televizion se gjithë skena politike serbe pas Slobodan Milosevic janë tradhtarë. Ai shau edhe politikanët serbë të kohës së komunizmit dhe ata të mbretërisë serbe para këtyre që pranuan të formohej Jugosllavia. Presidentin serb Aleksandar Vucic nuk e përmendi, që dikur e kishte aparatçik në parti.
Përplasja ndodhi në emisionin e mëngjesit të televizionit serb Tv Happy ku moderatori Milomir Maric u zu me Seselj.
“Jam hakmarrës kur bëhet fjalë për tradhtarët e popullit serb siç janë Zoran Djindjic e Borsi Tadic. Kurrë nuk mundem të jua falë. Kurrë s’do t’ia falë Tadicit që dorëzoi Radovan Karadzic, Ratko Mladic Hagës” tha Seselj.
Radikali serb i hyri përrallave që zoti paska dënuar një ish ministër të ish presidentit serb Kostunica që paska dorëzuar një ish ushtar serb të akuzuar për krime. Ai ministër serb kishte pësuar aksident trafiku nga i cili mbeti i paralizuar.
Këtu reagoi gazetari Maric radikalit serb duke u munduar ta ndalë.
“Mos ashtu, është e shëmtuar…Ti i cili ke mëkatuar aq shumë nuk mund të flasësh kështu. Aq shumë jetë njerëzish ke shkatërruar. Gjithçka që ke thënë për ta” i tha Maric.
“Cilët ? Këta Nenad Canak, Cedomir Jovanovic, Zoran Ostojic, Jelenu Milic e të tjerët? Ata e kanë merituar pasi janë tradhtarë. Unë jam ai që ju kam thënë tradhtarë” tha Seselj dhe pyeti se çfarë të mire ka bërë Natasa Kandic për popullin serb.
Maric i tha se ajo ka përpiluar listën e viktimave serbe në Kosovë, por Seselj vazhdoi me ofendime e opinion të tilla se ajo ka shpikur akuza të rrejshme
Seselj tha se sipas tij kushdo që thotë se ka pasur gjenocid në Srebrenicë nga serbet meriton dënim të tmerrshëm.
