Kryetari i komunës së Bujanocit Shaip Kamberi pasi ka njoftuar se sot është përmbyllur procedura e transferimit të 200 mijë eurove nga Buxheti i Republikës së Kosovës në adresë të komunës që ai drejton, ka falënderuar shtetin kosovar për këtë ndihmës.
Kamberi tutje ka thënë se është një hap i madh.
“Hap i madh para. Realizim konkret.
Vendimi i marrë javën e kaluar nga Qeveria Kurti u bë realitet.
Standardi i ri i transferimit të drejtpërdrejtë në llogarinë e komunës është risia dhe fenomeni.
Shuma prej 200 mijë eurove është poashtu standard i ri i vendosur nga kjo Qeveri dhe nga Kryeminstri Kurti”, ka thënë Kamberi.
Përfshirja e Luginës me 500 mijë euro ndihmë sipas Kamberit është përkujdesje dhe përkrahje, për cka ai ka falënderuar Kosovën dhe kryeministrin në detyrë Albin Kurti.
