Mediat ndërkombëtare raportojnë se presidenti amerikan, Joe Biden po përgatitet të kërkojë përfundimin e marrëdhënieve normale tregtare me Rusinë, duke i hapur rrugën rritjes së tarifave për importet nga ky vend.
Lajmi është bërë i ditur nga agjencia Bloomberg, sipas së cilës njoftimi për heqjen e privilegjeve tregtare do të vijë së bashku me liderët e G7 dhe BE-së.
Pezullimi i marrëdhënieve normale tregtare, i njohur gjithashtu si “klauzola e kombit më të favorizuar”, do ta vendosë Rusinë në të njëjtin nivel me vende si Kuba dhe Koreja e Veriut.
Dhe kjo do t’i lejojë Shtetet e Bashkuara të vendosin tarifa dukshëm më të larta se anëtarët e tjerë të OBT-së./a2cnn
