Rrjeti televiziv amerikan “ABC News” ka raportuar lajmin se Shtetet e Bashkuara i kanë kërkuar presidentit ukrainas Zelensky që të shkojë në Lviv.
Qyteti ndodhet në pjesën perëndimore të vendit dhe kjo masë, sipas ABC-së është për sigurinë e tij.
Ndërkaq ora në Kiev shënon 02:00. Dhjetëra mijëra ukrainas po shikojnë transmetime të drejtpërdrejta, duke pritur që Zelensky t’i drejtohet kombit.
Presidenti i Shteteve të Bashkuara, Joe Biden i premtoi presidentit ukrainas se do të përgjigjet “me shpejtësi dhe me vendosmëri”.
Ky është lajmi më i fundit që zbulohet nga Shtëpia e Bardhë.
Gjatë komunikimit me homologun e tij ukrainas, Biden ka dënuar vendimin e Rusisë për të njohur rajonet separatiste në lindje të vendit.
