Shtetet e Bashkuara kanë paralajmëruar Iranin që të mos nisë një tjetër sulm ndaj Izraelit, duke shtuar se Uashingtoni nuk do të jetë në gjendje ta frenojë Izraelin nëse ai sulmon përsëri, ka raportuar uebfaqja amerikane e lajmeve Axios, duke cituar një zyrtar amerikan dhe një ish-zyrtar izraelit.
Axios raportoi më parë se inteligjenca izraelite sugjeron se Irani po përgatitet të sulmojë Izraelin nga territori i Irakut në ditët në vijim, ndoshta përpara zgjedhjeve presidenciale në SHBA më 5 nëntor.
