Aeroplanmbajtësja e dytë amerikane Eisenhower po shkon drejt Mesdheut lindor.
Urdhri për njësinë detare amerikane u njoftua nga Sekretari Amerikan i Mbrojtjes Lloyd Austin, gjatë një deklaratë.
Veprimi “është pjesë e përpjekjes sonë për të dekurajuar veprimet armiqësore kundër Izraelit ose çdo përpjekje për të zgjeruar këtë luftë pas sulmit të Hamasit ndaj Izraelit”.
Grupi Sulmues përfshin kryqëzuesin me raketa të drejtuara USS Philippine Sea (CG 58), shkatërruesit me raketa të drejtuara USS Gravely (DDG 107) dhe USS Mason (DD 87), dhe Carrier Air Wing 3, me nëntë skuadrone avionësh dhe personel shtabi.
Eisenhower do t’i bashkohet grupit amerikan Gerald R. Ford Carrier Strike Group, i cili mbërriti në fillim të kësaj jave.
Ford CSG përfshin USS Normandy, USS Thomas Hudner, USS Ramage, USS Carney dhe USS Roosevelt.
Më herët gjatë javës, Forcat Ajrore të SHBA-ve njoftuan vendosjen e skuadroneve të avionëve luftarakë F-15, F-16 dhe A-10 në rajon.
