Sipërmarrësi kosovar, Shkëlqim Devolli, i cili po qëndron në Washington DC për të marrë pjesë në ceremoninë zyrtare të inaugurimit të Presidentit Donald Trump, ka takuar sot shefin e ardhshëm të CIA-s, John Ratcliffe.
Afaristi Devolli e ka uruar Ratcliffe për përzgjedhjen e tij në pozitën më të lartë të inteligjencës në Shtetet e Bashkuara të Amerikës, menjëherë pas fitores së Trump.
Gjatë takimit, Devolli e ka njoftuar shefin e CIA-s për gjendjen në Kosovë në prag të zgjedhjeve parlamentare në vend.
E veçantë e bisedës është që Ratcliffe e ka përmendur qytetin e Pejës si një qytet prej të cilit ka disa miq.
Devolli me këtë rast i ma thënë se nëse do ta vizitojë Kosovën, duhet medoemos ta vizitojë edhe Pejën.
Derisa më herët gjatë ditës, themeluesi i Devolli Corporation ka takuar kongresistët republikanë Jason Smith nga Missouri dhe Bryan Steil nga Wisconsin. Po ashtu, Devolli ka pasur një takim me ish-guvernatorin e Mississippit, Haley Barbour.
Në këto biseda, tema kryesore ka qenë politika dhe ekonomia, me fokus në marrëdhëniet mes Kosovës dhe Shteteve të Bashkuara. Devolli, aksionari i Devolli Corporation, ka informuar zyrtarët amerikanë mbi situatën në Kosovë, sidomos në kontekstin e zgjedhjeve parlamentare që do të mbahen më 9 shkurt.
Ai do të jetë pjesë e një auditori të gjerë në ceremoninë e betimit solemn të Presidentit Trump, ku pritet të jenë të pranishëm ish-presidentë amerikanë, kongresistë, senatorë, si dhe liderë politikë dhe të biznesit nga e gjithë bota.
Një pamje gjithnjë e më e zakonshme në ujërat e Gjirit të Orikumit është shfaqja…
Kryeministri britanik Sir Keir Starmer ka akuzuar miliarderin e teknologjisë Elon Musk se po përpiqet…
Ish deputeti i PD, Edmond Spaho ka reaguar ashpër për protestën kundër investimit në Zvërnec,…
Presidenti serb Aleksandar Vuçiç ka konfirmuar se do të marrë pjesë në samitin BE–Ballkani Perëndimor…
Katy Perry do të jetë njëra prej këngëtareve kryesore që do të përformojë në Festivalin…
Një efektiv i Policisë së Shtetit u vra dhe një tjetër u plagos gjatë një…