<p><strong>Shkolla e Aviacionit në Vlorë do të rihapet pas 18 vitesh dhe pritet të shndërrohet në një akademi rajonale që do të përgatisë pilotë ushtarakë e civilë dhe kontrollor ajrorë të huaj e shqiptarë. Një investim i rëndësishëm i qeverisë shqiptare.</strong></p>
<p>Sot, në qytetin bregdetar është firmosur marrëveshja mes kompanisë shqiptare të prodhimit të armëve &#8220;KAYO&#8221;, me kompaninë ndërkombëtare të teknologjisë ushtarake &#8220;Elbit Systems Ltd&#8221;, e cila është me bazë në Izrael.</p>
<p>E themeluar në vitin 1966, Elbit Systems është ofruesi kryesor i pajisjeve tokësore të ushtrisë izraelite dhe mjeteve ajrore pa pilot, me fabrika në mbarë botën dhe u shet produktet e saj ushtarakëve të vendeve të ndryshme.</p>
<p>&#8220;Lajm fantastik! Finalizojmë me sukses një marrëveshje të rëndësishme me një nga liderët botërorë në fushën e mbrojtjes. KAYO sh.a dhe Elbit Systems Ltd nënshkruajnë marrëveshjen teknike, duke hapur rrugën për rihapjen e Shkollës së Aviacionit në Vlorë pas 18 vitesh&#8221;, shkruan ministri Pirro Vëngu.</p>
<p>KAYO sh.a është kompania shqiptare e armëve e themeluar një vit më parë, për prodhimin dhe tregtimin e armëve, municioneve, pajisjeve dhe teknologjive ushtarake. Në krye të saj ëhstë vendosur ish-drejtuesi i Policisë së Shtetit, Ardi Veliu.</p>
<p>Si objekt i deklaruar i veprimtarisë së saj në letër është projektimi, prodhimi, riparimi, demilitarizimi dhe tregtimi, brenda dhe jashtë vendit, i të gjitha llojeve të armëve ose pjesëve të armëve, përfshirë edhe ato ushtarake, municionet, teknologjitë dhe pajisjeve ushtarake.</p>


Kryetari i Deçanit, Bashkim Ramosaj, ka ndarë lajmin e dhimbshëm për vdekjen e një nëne…
Një video e re nga një kënd tjetër që tregon aeroplanin e “Air India” duke…
Një burrë britanik që pretendon se ka mbijetuar aksidentin në Ahmedabad ka përshkruar momentin kur…
LDK-ja, e cila refuzoi të bashkëqeverisë me LVV-në, dëshiron Qeveri të Unitetit me përfshirjen e…
Një emigrant shqiptar në Greqi është bërë personazhi i ditës në mediat e vendit fqinj…
Një avion pasagjerësh i “Air India” u rrëzua në aeroportin e Ahmedabad, një qytet në…