“Morri anën e Kurtit dhe shkoi të votojë veten! Sllaxhana Pantoviq, e vetmja votuese në Zveçan – erdhi e shkoi e shoqëruar nga Policia”, shkruan titulli i Novosti-t t Beogradit për kandidaten serbe për kryetare të Komunës së Zveçanit, ndërsa brenda tekstit shoqërimin e saj nga policia e quan si “një rast i cili nuk është regjistruar kurrë më parë”.
Ndërkaq tablodi “Alo” raportimin drejtpërdrejt e titullon si në vijim: “Policia dhe KFOR-i në rrugë të shkretëruara, hapen kontenjerët e bërllogut për zgjedhje, një shqiptar votoi deri në ora tetë”, derisa policia kosovare që po monitoron situatën dhe sigurinë quhen “banditë të Kurtit”.
Tabloidi Informer shkon edhe më tej duke i quajtur zgjedhje “cirkus të Kurtit”. – “Serbët s’duan t’ja dijnë për zgjedhjet cirkus të Kurtit. Asnjë shpirt i gjallë në rrugët e Kosovës së veriut. Vetëm policia e Albinit, KFOR-i në qytet, afër kontenjerëve të votave”.
Që nga ora shtatë e mënjgesin janë hapur qendrat e votimit dhe ato alternative ndërsa të drejtë vote kanë afro 45 mijë qytetarë. KQZ njoftoi se janë 19 qendra të votimit me 34 vendvotime. Valmir Elezi, zëdhënësi i KQZ-së poashtu njoftoi se të gjitha materialet e votimit janë shpërndarë në ato zona.
“Deri në këto momente, sipas planifikimet ju njoftoj se është bërë shpërndarja e materialit zgjedhor ku bëjnë pjesë edhe fletvotimet. Natyrisht si çdo herë shpërndarja e materialit është bërë në bashkëpunim dhe me përcjelljen e Policisë së Kosovës”.
“Më lejoni të ju njoftoj se sipas informacionet që kemi pranuar nga komisionet komunale të zgjedhjeve, në katër komunat janë hapur me kohë të gjitha qendrat e votimit në këto komuna. Gjithsej janë 19 qendra të votimit dhe siç kemi njoftuar deri më tani 6 janë të rregullta, ndërkaq 13 të tjera janë alternative. Të gjitha adresat e sakta të qendrave të votimit i kemi publikuar në ëebfaqen e KQZ-së, rrjetet sociale dhe mediat.” – ka thënë ai në konferencën e parë për media.