Shpërthen fabrika e fishekzjarrëve në Turqi, pamje apokaliptike e dhjetëra të lënduar.
Një shpërthim në një fabrikë të fishekzjarrëve në Turqinë veriperëndimore plagosi të paktën 41 njerëz pak momente më herët, raportohet në mediat lokale.
Mësohet se në momentin e shpërthimit kishte rreth 150 punëtorë në fabrikën e cila gjendej jashtë qytetit të Hendek, në provincën Sakarya.
https://www.youtube.com/watch?v=XISI02ZadnU
Të paktën 41 prej tyre u shtruan në spital me lëndime, ndërsa ende nuk raportohet për viktima.
Disa zjarrfikës dhe ambulanca u dërguan në fabrikë, e cila është larg zonave të banuara.
Sidoqoftë, shpërthimet ishin duke vazhduar, duke penguar përpjekjet e zjarrfikësve për të shuar zjarrin.
Shkaku i shpërthimit s’bëhet ende i ditur.
Televizioni HaberTurk tha se autoritetet bllokuan rrugët që çojnë në fabrikë.
