“Shqiptar çetnik”, Abazoviç thotë se u sulmua në Mal të Zi veçse vëllai i tij e hapi një klinikë në Beograd

Dritan Abazoviç, lider i lëvizjes URA në Mal të Zi dhe kryeministër potencial në një intervistë për HTV ka thënë se e kanë quajtur “shqiptar çetnik”, veçse vëllain i tij e ka hapur një klinikë në Beograd.

“Jam krenar për të gjitha sulmet ndaj meje. Do të isha shumë i shqetësuar nëse nuk do të kishte sulme të tilla”, tha Abazoviç.

“Kur është fjala për vëllain tim dhe klinikën në Beograd, le ta çmitizojmë këtë. Jam shumë krenar për vëllain tim dhe më vjen keq që po e tërheqim në lojën politike”.

Abazoviç theksoi se e konsideron veten si luftëtarin më të madh kundër krimit të organizuar dhe korrupsionit në Mal të Zi, prandaj potencon se shumë politikanë nuk e kanë ndihmuar shumë në periudhën paraprake.

Duke folur për qeverinë e rrëzuar së fundmi dhe ndikimin e Kishës Ortodokse Serbe dhe Beogradit në të, Abazovic thotë se “mendoj se në pushtetin e kaluar ka ndikuar dukshëm fakti nga pakënaqësia e njerëzve”.

“Në këtë moment mendojmë se është mirë që ato struktura që kanë dëmtuar pak reputacionin ndërkombëtar, apo i krijojnë një problem të caktuar shoqërisë, të pajtohen plotësisht, që të qëndrojnë jashtë strukturave qeveritare”, shtoi ai.

Ai beson se do të ketë sukses në formimin e një qeverie të pakicës.

“Duhet të japim maksimumin që kjo të ndodhë në praktikë dhe nëse nuk ndodh për ndonjë arsye, atëherë nuk na mbetet zgjidhje tjetër përveç asaj që përmendët, t’i kthejmë mandatet qytetarëve dhe të vendosim në ri- zgjedhjet se kush dëshiron të qeverisë Malin e Zi në periudhën e ardhshme”.