Një i burgosur shqiptar, i dënuar për grabitje, është arratisur natën e ndërrimit të viteve nga burgu i Vercellit, në Itali.
Pasi kishte sharruar hekurat e dritareve, ai arriti të zbriste nga kati i katërt me ndihmën e një çarçafi. Jashtë burgut e prisnin bashkëpunëtorët e tij.
Edhe shoku i qelisë, po ashtu shqiptar, tentoi të arratisej, por përpjekja e tij dështoi. Mësohet se ai ka thyer krahun, ndërsa ishte duke zbritur me çarçaf.
Mediat italiane e konsiderojnë personin që arriti të largohej nga ambientet e burgut një grabitës të rrezikshëm.
Policia ka ngritur postblloqe të shuma në të gjithë Piemonten.
