Shtëpia superluksoze e ndërtuar brenda shkëmbit në bregdetin e Greqisë

Sa herë dikush dëshiron të ndërtojë ndonjë shtëpi në ndonjë prej vendeve shkëmbore, vështirësia më e madhe është vendimi se në çfarë forme të ndërtohet ajo.

Shtëpia NCaved e ndërtuar në një pjesë gurore, në një prej bregdeteve të Greqëisë, është e tëra e futur nën tokë, vetëm me dritaret dhe disa pjesë rekreative të mbetura jashtë.

Shtëpia superluksoze është projektuar nga kompania Mould Architects dhe vendndodhja e saj siguron mbrojtje nga erërat e forta veriore ashtu si një shpellë natyrore ofron strehë të fortë.

Dizajni gjithashtu ndihmon për t’i dhënë përparësi peizazhit natyror dhe minimizon shfaqjen e ndërhyrjes njerëzore.

Gurët prej betoni dhe me ngjyrë toke ndihmojnë shtëpinë NCaved të përzihet në terren. Dizajnerët gjithashtu zgjedhin një larmi të këtyre ngjyrave dhe materialeve të ngrohta për të rikrijuar vrazhdësinë dhe strukturën e ndryshme të tokës.

“Kjo ndjenjë e përafërt e një zgavre natyrore ishte ajo që ne synuam të rikrijonim me zgjedhjen tonë të materialeve dhe gamës së ngjyrave,” ka thënë Mold Architects.

Guri, betoni i ekspozuar, druri dhe metali përdoren me saktësi për të krijuar predha të trasha të brendshme. Paleta vazhdon në brendësi me kompozime të bukura që balancojnë materialet e lëmuara me mure shkëmbore që lidhen me anën e shkëmbit.