Si u shpërblye zëri 50-vjeçar i regjimit në Korenë e Veriut

Udhëheqësi koreanoverior Kim Jong Un, i dhuroi një apartament zërit televiziv të regjimit, një folëseje ikonike ndër vite, e cila ka kumtuar të gjitha ngjarjet ne vendin komunist në gati gjysmëshekulli.

Në 50 vite, Ri Chun Hee ka shpallur ngjarjet më të rëndësishme në historinë e Koresë së Veriut: nga vdekja e “babait themelues” të vendit Kim Il Sung në 1994 deri në testin e tij të parë bërthamor në 2006.

Fotot në mediat shtetërore tregojnë 70-vjeçaren Ri me Kim Jong Un në një kompleks apartamentesh në bregun e lumit në kryeqytetin Phenian.

 

Sipas agjencisë koreano-jugore të lajmeve KCNA, prezantuesja falënderoi liderin, duke thënë se shtëpia e saj dukej si një “rezidencë” dhe se familja e saj “qëndroi zgjuar gjithë natën duke qarë nga mirënjohja e thellë”. Kim Jong Un i tha asaj se është një nga “thesaret” e vendit, pasi ka punuar si prezantuese “që nga fëmijëria”.

Koreja e Veriut ka njoftuar përfundimin e një kompleksi apartamentesh përpara 110-vjetorit të lindjes së gjyshit të Kim Jon Un, Kim Il Sung. Kim i ri “filloi” planin për t’i dhuruar këto shtëpi atyre “që kontribuan në prosperitetin dhe zhvillimin e vendit”, sipas KCNA.

Zyrtarët e SHBA-së dhe Koresë së Jugut kanë paralajmëruar se Koreja e Veriut mund të përgatitet për një test të ri bërthamor në këtë përvjetor. Pheniani tradicionalisht shënon përvjetorët e figurave kryesore të vendit me parada ushtarake, teste të mëdha armësh ose lëshime satelitore.

Këtë vit, Koreja e Veriut nisi një seri testesh raketore, të cilat kulmuan muajin e kaluar me lëshimin e një rakete balistike ndërkontinentale që mund të transportonte një kokë bërthamore në lindje të Shteteve të Bashkuara.