Sikur të mos mjaftonte tërmeti, Turqia preket nga moti i keq, një stuhi e egër po vjen nga Ballkani

Qendra Rajonale e Parashikimeve dhe Paralajmërimit të Hershëm të Meteorologjisë, MGM Stamboll ka bërë një deklaratë së fundmi ku paralajmëron se rajoni do të përfshihet nga erëra dhe stuhi të forta deri në 70 km/h.

Vendi më i goditur do të jetë Turqia, nga jugu, në Traki (Edirne, Kırklareli dhe Tekirdağ) dhe nesër rreth Stambollit, Kocaeli, Sakarya dhe Yalova.

Sipas lajmit në agjencinë e lajmeve, DHA, autoritetet deklaruan se qytetarët duhet të tregohen të kujdesshëm ndaj pasojave që pritet të shkaktojë stuhia, si: ndërprerjet në transport, shkëputjen e çative të shtëpive, helmimin e sobave dhe gazit natyror.

Sipas vlerësimeve të fundit nga Meteorologjia, vlerësohet se Marmara do të preket nga ajri i ftohtë dhe me shi që vjen nga Ballkani. Temperaturat e ajrit pritet të ulen me 5-10 gradë dhe të ulen nën normat e stinës.

Sipas vlerësimit të Qendrës Rajonale të Parashikimit dhe Paralajmërimit të Hershëm Eskişehir, pritet të fryjë erë e fortë dhe stuhi nga drejtimet jugore dhe jugperëndimore në pjesët perëndimore të vendit.

Në deklaratë, kërkohet gjithashtu që të tregohet kujdes edhe ndaj rënies së pemëve dhe shtyllave.