Sokol Mjacaj, i dënuar me burgim të përjetshëm në burgun e Sigurisë së Lartë në Peqin, për vrasjen e dy turistëve çekë në Shkodër, është përfshirë në një përplasje me armë zjarri më 2 të dënuar të tjerë.
Burime paraprake për Report Tv bëjnë me dije se Sokol Mjacaj, ka plagosur Ilir Xhakjan dhe Arben Lleshin të dy të dënuar me burgim të përjetshëm. Arma Sokol Mjacajt i është dërguar nëpërmjet një droni.
Burime të sigurta konfirmojnë për Report Tv se Arben Lleshi, i dënuari me burg përjetë dhe që po vuan dënimin në burgun e Peqinit ka ndërruar jetë.
Arben Lleshi Ishte dënuar për vrasjen e bashkëkombësit të tij Agim Hoxha në Sauthempton. Ngjarja është shënuar më 10 prillin 2013 kur Arben Lleshi 27 vjeç, i njohur si shpërndarës droge në Angli, dogji të gjallë brenda në makinën e tij Agim Hoxhën 29 vjeç në Sauthempton të Anglisë.
Sot ministri i Drejtësisë, njoftoi se ka urdhëruar futjen e Mjacajt në 41 Bis, pasi cenonte sigurinë në burgun e Peqinit. Nuk raportohet për efektivë apo gardianë të plagosur. Ndërkohë drejt burgut të Peqinit kanë shkuar forca policore për përforcime.
Sokol Mjacaj ka vrarë dy turistët çekë, Michal Svatos dhe Anna Kusinova, më 3 korrik 2015 në fshatin Prekal të Dukagjinit. Mjacaj i grabiti dy të rinjtë e më pas i ekzekutoi me armë zjarri në automjetin e tyre.
