Srpska e dorëzon listën në KQZ, Rakiq s’duket askund – Elek thërret “rroftë Serbia”: Do t’i fitojmë të gjitha vendet e rezervuara

Kryetari i Listës Serbe, Zlatan Elek, pasi ditë më parë kishte konfirmuar që partia e tij do të marrë pjesë në zgjedhje, sot përmes një videoje ka prezantuar edhe kandidatët për deputetë në zgjedhjet e 9 shkurtit.

Në mesin e kandidatëve shihen Igor Simic dhe Slvako Simic, ndërkohë aty s’shihet fare ish-kreu i Listës Serbe, Goran Rakiq.

Kreu i kësaj partie ka thënë se “Srpska” do t’i marrë 10 ulëset e garantuara dhe në fund ka thirrur “rroftë Serbia”

“Sot, siç e shihni këtu, ne nga të gjitha anët e Kosovës jemi të vendosur në luftën për të luftuar për 10 ulëse parlamentare dhe sigurisht që do t’i marrim të dhjetë vendet e parapara për komunitetin serb. Për shkak të Miloshit, Nikollës, Kristijanit, Darës, Stefanit dhe të gjithë vëllezërve tanë të burgosur padrejtësisht, ne po hyjmë në këtë luftë demokratike më të fortë se kurrë, sepse e dimë se çfarë mbrojmë dhe për çfarë luftojmë. Dhe në fund, rroftë uniteti serb, rroftë Lista Serbe dhe rroftë shteti i Serbisë!”, ka deklaruar Elek.