Salwan Momika, njeriu që dogji një kopje të Kuranit në vitin 2023, duke shkaktuar protesta të dhunshme në disa vende islamike, është qëlluar për vdekje në banesën e tij në qytetin Sodertalje, Suedi. E ka raportuar Policia.
“Një burrë u gjet i qëlluar me armë zjarri në një shtëpi në Hovsjo, Sodertalje, të mërkurën vonë në mbrëmje. “Viktima ishte 38-vjeçari Salwan Momika, i cili vdiq nga plagët e marra”, raporton transmetuesi shtetëror suedez SVT.
Një hetim mbi incidentin është duke vazhduar dhe një zëdhënës i policisë së Stokholmit tha se pesë persona janë arrestuar në lidhje me hetimin e vrasjes. Viktima ende nuk është bërë zyrtarisht i identifikuar.
Protestat e furishme në vendet islamike
Momika, një refugjat irakian, dogji Kuranin për herë të parë në vitin 2023, në shenjë proteste kundër Islamit. Herën e parë jashtë një xhamie në Stokholm dhe e dyta jashtë ambasadës së Irakut. Protestat e Momikës fillimisht u ndaluan nga policia dhe më pas u autorizuan nga autoritetet suedeze, të cilat thanë se ishin pjesë e lirisë së shprehjes.
“Përdhosja” e Kuranit shkaktoi protesta të furishme në Irak dhe vendet myslimane. Protestuesit irakianë sulmuan dy herë ambasadën e Stokholmit në Bagdad në korrik 2023 dhe qeveria irakiane dëboi ambasadorin suedez dhe tërhoqi të ngarkuarin me punë.
Vendimi pritet sot
Në gusht 2024, Salwan Momika u padit nga Prokuroria Suedeze, së bashku me një tjetër irakian, Salwan Najem, për nxitje të urrejtjes mbi baza etnike. Sipas AFP, gjykata e Stokholmit do të vendoste sot mbi akuzat e nxitjes së urrejtjes etnike kundër Momikës; Vendimi u shty për shkak se “njëri nga të pandehurit ka vdekur”.
Përveç djegies së Kuranit, Momika kishte vendosur një fetë proshutë në librin e shenjtë, e kishte shkelur dhe kishte grisur disa faqe. Burri i kishte justifikuar veprimet e tij duke argumentuar se, sipas mendimit të tij, Kurani përfaqëson “një rrezik për ligjet demokratike dhe për vlerat suedeze dhe njerëzore”.
Një sistem mbrojtës ajror u aktivizua pranë Ambasadës Amerikane në Bagdad të shtunën në mbrëmje,…
Mal Berisha, ish-ambasador e diplomat, ka treguar një rrëfim interesant nga takimet e tij në…
Fushata zgjedhore në qytetin e Cyrihut po tregon anën e saj të shëmtuar pak para…
Shpërthime të forta janë raportuar në Dubai në Emiratet e Bashkuara Arabe dhe në kryeqytetin…
Irani ka përjetuar një tjetër natë ferri. Shpërthime të fuqishme kanë ndodhur një nga aeroportet…
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…