Sulmet ajrore izraelite në Siri kanë për qëllim t’i përcjellin një mesazh Turqisë

Sulmet e fundit ajrore në Siri do të “përcjellin një mesazh për Turqinë”, tha një zyrtar izraelit për The Jerusalem Post.

“Mos krijoni një bazë ushtarake në Siri dhe mos ndërhyni në hapsirën ajërore izrealite”, ishte mesazhi sipas zyrtarit.

Sulmet kishin në shënjestër provincën e Hamës, si dhe ndërtesën e kërkimit shkencor në lagjen siriane Barzeh në kryeqytetin Damask, konfirmoi IDF të mërkurën.

Izraeli kaloi vite duke kryer sulme ajrore në Siri gjatë sundimit të ish-presidentit Bashar al-Assad, duke synuar ato që ata thanë se ishin instalime ushtarake të lidhura me Iranin dhe transferime armësh nga Teherani të destinuara për grupin e armatosur libanez Hezbollah .

Forcat ajrore izraelite thuhet se kanë shënjestruar infrastrukturën dhe armët e mbetura nga ushtria e Asadit, sipas mediave izraelite.