Udhëheqësi Suprem i Iranit Ayatollah Ali Khamenei ka reaguar pas sulmit ndaj dy bazave amerikane. Ai tha në një deklaratë se “ky rajon nuk e pranon praninë e SHBA” dhe se Irani i dha SHBA “një shuplakë në fytyrë natën e kaluar”.
Duke folur para një sallë të mbushur, Khamenei vlerësoi gjeneralin Qasem Soleimani, duke e quajtur atë “të guximshëm” duke shtuar, ai “nuk kishte frikë”.
Shumë në audiencë u panë duke qarë dhe duke brohoritur me zemërim gjatë gjithë fjalimit të tij.
Khamenei tha se vdekja e Soleimani do të thotë “revolucion i gjallë”.
“Aksioni ushtarak në këtë mënyrë, nuk është i mjaftueshëm. Ajo që ka rëndësi është se prania e Amerikës, që është një burim korrupsioni në këtë rajon, duhet të marrë fund “, tha ai më tej.
