I dyshuari kryesor i sulmeve terroriste që lanë 130 të vdekur në Paris, e përshkroi veten si ushtar i Shtetit Islamik dhe i bërtiti një gjykatësi të lartë në nisje të atij që është pagëzuar si gjyqi i shekullit, ditën e mërkurë.
31-vjeçari Salah Abdeslam besohet të jetë i vetmi i mbijetuar i grupit të terroristëve që ndërmorën sulmet me armë zjarri dhe bomba, në 6 restorante dhe bare të Parisit, sallën e koncerteve në Bataklan dhe Stad de France, në 13 nëntor të 2015-s. Ai u shfaq në gjykatë i veshur me të zeza dhe me maskë në fytyrë. I pyetur lidhur me profesionin e tij, franko-marokeni hoqi maskën dhe tha para Gjykatës së Parisit: “Hoqa dorë nga puna ime për t’u bërë një ushtar i ISIS”, raporton A2news.
Ndërsa të dyshuarit e tjerë, që akuzohen se kanë ndihmuar agresorët e sulmit, ju përgjigjën thjesht pyetjeve rutinë lidhur me emrin dhe profesionin, Abdeslam e shfrytëzoi nisjen e gjyqit për të marrë një pozicion të qartë. I pyetur nga gjykatësi për emrin e tij, 31-vjeçari citoi Shahë, një betim Islamik.
“Dua të dëshmoj se nuk ka asnjë Zot përveç Allahut dhe se Muhamedi është profeti i tij”.
Më vonë, ai i bërtiti gjykatësit të lartë për dy minuta, duke u ankuar se të akuzuarit ishin trajtuar si qen. Siç raportojnë mediat vendase, në këtë moment reagoi dikush nga publiku. “Bastardë, vratë 130 vetë’, u dëgjua nga salla. Gjyqi do të zgjasë 9 muaj e do të përfshijë 1800 padi civile dhe më shumë se 300 avokatë.
Rusia është duke i ofruar Iranit informacione mbi vendndodhjen e luftanijeve dhe avionëve amerikanë në…
Shahid Bahman Bagheri ishte mjeti i parë lundrues i specializuar për dronë,një anije 240 metra…
Mediet arabe raportuan të premten informacionin se iranianët ekzekutuan gjeneralin Ismail Qa'ani si agjent të…
Presidenti Donald Trump mirëpriti të enjten një grup pasotrësh në Zyrën Ovale një grup klerikësh…
“Edhe të pasurit qajnë në kohë lufte.” Konflikti i fundit në Lindjen e Mesme po…
Shefja e Grupit Parlamentar të Vetëvendosjes, Arbërie Nagavci, e ka komentuar deklaratën e Vjosa Osmanit,…