Ish-gjenerali i NATO-s që udhëhoqi bombardimet liri-sjellëse për Kosovën, Wesley Clark, këtë të mërkurë ka qëndruar për vizitë në Kosovë.
Ushtaraku që për Kosovën ka vend të veçantë u pritet enkas edhe nga një qytetar i cili dëshironte që, veç mirënjohjes, t’i dhurojë edhe një fotografi të printuar ku kryeprotagonist është vetë gjenerali Clark.
Mediat kanë qenë prezente në momentin e takimit mes Makollit dhe Clark, ku në mesin e përqafimeve nuk munguan as lotët.
Makolli ka treguar se si ka arritur t’i afrohet Clarkut para 22 vjetësh kur ai qëndroi në Prishtinë pas çlirimit. Ndërsa, Clark kërkoi që t’i bënin një fotografi atyre, për ta mbajtur kujtim.
