UPDATE: Burime për Top Channel bëjnë me dije se në Durrës pallati afër Kryqit të Kuq, ndërtuar në ’94 është shembur dhe ka njerëz që kërkojnë ndihmë po ende asnjë ambulancë apo ekip shpëtimi nuk ka shkuar më zonë.
Ndërkaq qytetarët dhe mediat kanë publikuar fotografi ku shihen dëmet e shkaktuara nga tërmeti i mëngjesit të sotëm në Durrës.
Tërmeti që ndodhi mëngjesin e sotëm ka goditur më së shumti qytetin e Durrësit me rrethinë.
Sipas raportimeve të para, disa ndërtesa janë shembur dhe ka dëme të mëdha materiale.
Policia dhe zjarrëfikësit janë vënë në detyrë.
Ende nuk raportohet zyrtarisht, por dyshohet se tërmeti mund të ketë shkaktuar viktima.
