Të shtunën ka arritur një kontingjent me automjete të blinduara nga Shtetet e Bashkuara të Amerikës, të cilat janë blerë për Forcën e Sigurisë së Kosovës. Këto automjete, sot i ka ekspozuar edhe Presidenti i Kosovës, Hashim Thaçi.
Përmes një postimi në llogarinë e tij në Facebook, Thaci ka njoftuar se edhe rekrutimi i ushtarëve të rinj do të nisë së shpejti.
“Një takim informues sot kisha me komandantin e Forcës së Sigurisë së Kosovës, gjenerallejtënant Rrahman Ramën. Ushtrisë së Kosovës nga dje i është shtuar një kontingjent prej 42 automjetesh ushtarake amerikane “Humvee”. Edhe rekrutimi i ushtarëve të rinj do të nisë së shpejti. Liria, shteti i pavarur dhe ushtria na japin identitetin dhe krenarinë e lirisë dhe demokracisë! HTH”, ka shkruar ai.
