Thaçi nervozohet keq me zyrtarët e BE’së që erdhen në Kosovë: Asnjë fjalë nuk e patën për vizat

Presidenti i Kosovës, Hashim Thaçi, ka thënë se me emisarët e BE’së që erdhen sot në Kosovë nuk ka pasur bisedë të mirë për liberalizimin e vizave,p asi që këta as nuk e kanë hapur këtë temë, shkruan Gazeta Metro.

Përmes një konference për media, Thaçi ka thënë se sot u diskutua pak për vizat, me këshilltarët kryesorë të kancelares gjermane Angela Merkel dhe presidentit francez Emmanuel Macron, Jan Hecker dhe Emmanuel Bonne.

“Dua të them atë që u intereson opinionit publik, qytetarëve, spektrit politik se për fat të keq, edhe sot, nuk u dëgjua asgjë për liberalizimin e vizave për Kosovën. Madje, nëse nuk do ta hapja unë si temë as nuk do të diskutonin ata”, ka thënë ai.
Presidenti tutje ka shtuar se BE nuk është e gatshme të vendosë për Kosovën dhe se po i ndëshkon qytetarët e saj padrejtësisht.

“BE nuk ishte e gatshme të merr veprim për liberalizimin e vizave për Kosovën, ky mos-unitet është ndëshkues për Kosovën, tregon shumë për raportin e BE’së me Kosovën.

Kosova i ka kryer në tërësi të gjitha kriteret tash e disa vite, në fund na kushtëzuan me një kush të panevojshëm që ishte demarkacioni, ne e kryem edhe atqë”, ka thënë ai.

Ndryshe, dy emisarët janë takuar edhe me Kryeministrin Kurti, për të cilin thanë se kanë ‘një mesazh të rëndësishëm’, mirëpo i njëjti nuk ka dhënë detaje rreth takimit.