“The Jerusalem Post”: Republika e Kosovës shpall Hezbollahun si organizatë terroriste

Gazeta izraelite: Republika e Kosovës ka shpallur zyrtarisht organizatë terroriste si krahun ushtarak edhe krahun politik, deklaroi Meliza Haradinaj, Ministrja e Punëve të Jashtme dhe Diasporës, të martën në Twitter.

Republika e Kosovës ka shpallur zyrtarisht organizatë terroriste si krahun ushtarak edhe krahun politik, deklaroi Meliza Haradinaj, Ministrja e Punëve të Jashtme dhe Diasporës, të martën në Twitter.
Një vit më parë, Kosova shpalli anën ushtarake të Hezbollah si grup terrorist, por në vijim të propozimit të Ministrisë së Punëve të Jashtme, qeveria vendosi të njohë si entitet terrorist edhe krahun politik.

“Pas propozimit të Ministrisë së Punëve të Jashtme, qeveria e Kosovës vendosi të deklarojë si krahun politik edhe atë ushtarak të #Hezbollah si organizatë terroriste në territorin e Republikës së Kosovës,” deklaroi Haradinaj të martën. “Ky vendim kontribuon në mbrojtjen dhe avancimin e sigurisë kombëtare, rajonale dhe globale.”

Kongresi Hebre Amerikan (American Jewish Congress) e përshëndeti këtë veprim.

“Aktivitetet e Hezbollah janë një kërcënim i drejtpërdrejtë për paqen dhe sigurinë dhe vendimi i Kosovës është një hap i rëndësishëm në luftën globale kundra terrorizmit,” thuhej në deklaratën e Kongresit Hebre Amerikan. “Diferencimi artificial ndërmjet krahut politik dhe ushtarak ka krijuar mundësi për Hezbollah, një organizatë e varur nga Irani, për të vazhduar aktivitetet e saj malinje në shumë vende përreth botës.”

“Ne ftojmë shtete të tjera të ndjekin shembullin e Kosovës në përcaktimin si entitet terrorist të të gjithë Hezbollahut dhe të ndalojnë të gjitha aktivitetet e saj,” përfundon deklarata.