Për ukrainasit, Anton Kuprin, komandant i ish-krenarisë së flotës ruse “Moskva” që u mbyt, ka vdekur.
Megjithatë, një raport i gazetës britanike Sun thotë se ka një video nga Sevastopoli – porti i Krimesë – ku shihet komandanti 44-vjeçar duke marrë pjesë në një ceremoni lamtumire të anijes. Ceremonia u zhvillua të premten në një monument për nder të 300 vjetorit të flotës ruse.
Sipas raportit, Ministria ruse e Mbrojtjes publikoi një video 26 sekondëshe që përshkruan, ndër të tjera, admiralin 60-vjeçar të Detit të Zi Nikolai Gevlenov duke iu drejtuar oficerëve të marinës.
Në videon në fjalë shihet edhe Anton Kurpin, pak orë pasi autoritetet ukrainase njoftuanse ai kishte vdekur.
I know it’s not possible this would be the same dude, they are not that stupid, but if they were, I leave it here. Anton Kuprin is confirmed KIA by RF sources. pic.twitter.com/R1kqr3xesK
— Jan Stupka (@JanSuurtoll) April 16, 2022
Rusët nuk e kishin konfirmuar vdekjen e Kuprinit, edhe pse qeveria e Moskës ka njoftuar vdekjen e zyrtarëve të lartë ushtarakë në luftën 51-ditore.
Sipas autoriteteve të Kievit, komanndati i parë i “Moskva”-s u vra pasi u godit në anijen luftarake nga dy raketa ukrainase “Neptun”.
“Ai vdiq gjatë shpërthimit…”, tha Anton Gerashenko, një këshilltar në Ministrinë e Brendshme të Kievit.
Rusia, nga ana e saj, pretendoi se ekuipazhi ishte evakuuar në kohë, por se kishte raporte në rritje për qindra viktima në kryqëzor.
